Robert Palković – A denas

Robert Palković

A denas

Nit ni j’ vidit blaga

Na naši placa,

Nit gusak, vola, krave, konja

Ki su vlikli već ka kola.

Štale nastale su prazne

A dici nij’ poznata krava,

I nikakova domaća živina,

Ar mliko se nosi od tršcev

A muka, kruh i već ča od pekov.

Vidimo denas samo traktore

Po vi moderni placa i puti.

I mnogi su nastali norci,

Ovi današnji moderni mladi ljudi.

Već ki se i presiganja,

Svoj traktor vaganja.

Ar malo gdo se pita

Kade ga čeka nesrića.

Koč je čut i tužne zvone,

Onda se pak upamet zame.

Opet se je ča godalo.

Ar je časa svenek premalo.

‘Vako misli pak već ki starac,

Ovo ne razumi već ki mladenac.

Ar dojt će za svakoga doba

I bit će i on koč blizu groba.

Robert Palković, Kominac, HKD, 2002, 23.