Doroteja Zeichmann – Oprosti mi, Bože

Doroteja Zeichmann

Oprosti mi, Bože

(ću se veljek Bogu spovidat, a ne crikvi ili nje duhovnikom…)

Oprosti mi, Bože

da se tako mišmaš pominam

pravo po našu

kot se kod nas na seli hojt govori.

Ako bi se drugačije pominala

bi me šif gledali

pak bi bila ausensajtr

a ki to kani?

To je kot kad si fremtigr kod nas na seli.

A propos.

Oprosti mi, Bože

da smo fremtigare kadakoč mrsko pehondljali

oni ništ ne moru za to

da su se kaj drugdir narodili

pak se kašnje k nam doselili.

Kod nas na seli ništ ni jače pajnlih

neg ako se leherlih načiniš

to si ljudi zamerkadu

pak ti se cio žitak špotadu.

Oprosti mi, Bože

ovo sve i sve druge krivice.

Obićem ti, da se već neću tako mišmaš pominat.

Pemühat ću se

ali ti ne morem ništ feršprehat.

Tvoja Doroteja, u juliju 22. leata

Dašla je elektronska poštarica.